في اي ولا؟

موضوع: في اي ولا؟ الأحد مايو 25, 2008 7:58 am

السلام عليكم و رحمة الله و بركاته

هل من المنطق انه تضحي بنص معاشك لمدة 15 سنه علشان تركب سياره تقز فيها

( يعني انت تشتغل نص السنه علشان سياره تخيل دربك كل يوم الدوام والمغثه تسوى علشان هالشي ) ؟
------------ --------- --------- --------- --------- --------- --------- --------- -----
من المنطق انه تشرب قهوه بدينارين بكوفي شوب وما عندك الا جم دينار تقزر فيهم لي اخر الشهر

( بتموت يعني اذا ما شربت قهوه شفيه النسكفيه)
------------ --------- --------- --------- --------- --------- --------- --------- -----
في شعب بالعالم يسافر باقساط ؟
------------ --------- --------- --------- --------- --------- --------- --------- -----
في شعب اغلب البنات ما يطلعون الا بمكياج ولبس عالآخر

( كل العالم ما عدا الخليج ما يحطون مكياج الا للحفلات والسهرات والطلعات الخاصه اللي من سنه لي سنه )
------------ --------- --------- --------- --------- --------- --------- --------- -----
في شعب بالعالم يلبسون قحفية تحت الحجاب لووووول
------------ --------- --------- --------- --------- --------- --------- --------- -----
في شعب بالعالم البنت فيه تروح الصالون 9 ايام بالاسبوع

( لا وتلقينها بالغصب تنبلع )
------------ --------- --------- --------- --------- --------- --------- --------- -----

في شعب بالعالم يتجمع كله بمجمع واحد بيوم واحد لوول

( اذا عندك احد مضيعه او مو لاقيه او تطالبه فلوس وما يرد عليك روح المرينا يوم الخميس تلقاه)
------------ --------- --------- --------- --------- --------- --------- --------- -----
في شعب بالعالم كل فرد فيه عنده خبره بالسياسه والانتخابات والبورصه والرياضه والموضه والسيارات وما عنده أي خلفيه علميه عن أي شي ثاني
------------ --------- --------- --------- --------- --------- --------- --------- -----
في دوله بالعالم شعبها كله يسافر بالصيف وتصير صخه

( ويقولون ما اكو احلى من ديرتنا)
------------ --------- --------- --------- --------- --------- --------- --------- -----
في شعب بالعالم لمن يرد من السفر كل البنات على خشمهم لزقه ومسوين عمليات

( جنه الختم مو عالجواز عالخشم)
------------ --------- --------- --------- --------- --------- --------- --------- ----

في شعب بالعالم ما يلبس الا ماركات وكل اللي الناس لابسينه يقول عنه تقليد ؟
------------ --------- --------- --------- --------- --------- --------- --------- -----
في شعب بالعالم الشباب كلهم مجسمين ؟
------------ --------- --------- --------- --------- --------- --------- --------- -----

في شخص بالعالم يجسم خلال شهر ويقولك انا ما اخذ كورس ابر ولا حبوب وشغلي طبيعي ؟
------------ --------- --------- --------- --------- --------- --------- --------- -----

في شعب بالعالم الكل يكره فيه بعض

( اتمنى اشوف احد يبتسم للثاني)
------------ --------- --------- --------- --------- --------- --------- --------- -----

في شعب بالعالم كل ما تهاوشت مع واحد فيهم قالك اوديك ورى الشمس انت ما تدري قاعد تكلم منو

( شنو الديره كلهم واصلين )؟
------------ --------- --------- --------- --------- --------- --------- --------- -----
في شعب بالعالم ثلاث ارباع بناته باقل من سنه صارو يتكلمون مثل حليمه وتقولك انا من زمان جذيه ؟
------------ --------- --------- --------- --------- --------- --------- --------- -----
في شعب بالعالم يختفي حرف الراء من عنده فجأه على ابو دلع ؟
------------ --------- --------- --------- --------- --------- --------- --------- -----
في شعب بالعالم البنات يقولون الشباب مو كفو الشباب يقولون نفس الحجي ؟
------------ --------- --------- --------- --------- --------- --------- --------- -----

في شعب بالعالم البنت ما تدق فيه الا رنه وفاتورة الريال بالاميات
( واذا رديت عليها سكرته بويهك على ابو دق علي والله طولت وانا ادق وما رديت ) ؟
------------ --------- --------- --------- --------- --------- --------- --------- -----
في شعب بالعالم مافي احد يعرف يسوق سياره الا واهوا يتكلم تلفون ؟
------------ --------- --------- --------- --------- --------- --------- --------- -----
في شعب كل ما شاف بنت بالشارع قال انا مكلمها ؟
------------ --------- --------- --------- --------- --------- --------- --------- -----
في شعب بالعالم البنت ما تطالع الريال فيه الا علشان سيارته ؟
------------ --------- --------- --------- --------- --------- --------- --------- -----
في شعب بالعالم يهدون بيوتهم وتصير مهجوره بالشتى ويعيشون بالبر!!!!!!!!
------------ --------- --------- --------- --------- --------- --------- --------- -----

اكو شعب بالعالم كل بيت فيه يمه طراد وبانشي وسيكل وجت سكي ؟
------------ --------- --------- --------- --------- --------- --------- --------- -----
في شعب بالعالم بالمرحله الابتدائيه ما عندهم سقوط ونجاح ؟

------------ --------- --------- --------- --------- --------- --------- --------- -----

في شعب بالعالم عندهم شهاداة ثانويه وجامعية و ما يعرفون انجليزي ولا لغه عربيه

------------ --------- --------- --------- --------- --------- --------- --------- -----

في شعب بالعالم اللي يقطونه بالزباله اكثر من اللي ياكلونه ؟
------------ --------- --------- --------- --------- --------- --------- --------- -----

في شعب بالعالم تسأله شنو هوايتك يقولك يا كل شي او مادري ؟

------------ --------- --------- --------- --------- --------- --------- --------- -----
في شعب بالعالم نسبة الطلاق فيه اكثر من 55% ؟

------------ --------- --------- --------- --------- --------- --------- --------- -----
في شعب بالعالم كل ما تسأل بنت شنو فتى احلامج تقولك ابي واحد موتر وجسم وحلو وفلوس وولد عايله ومنصب ويخليني على كيفي ويسفرني كل عطله وما يقعدني بالبيت ويصرف علي

(وتلقاها جيكره وشهادة متوسط ومن عايله الله يستر عليها)

------------ --------- --------- --------- --------- --------- --------- --------- -----

في صبي تسأله شلون تبي مرتك يقول ستايل وتعرف تلبس وعندها موتر ( تبي تتزوج ولا تصور فيديو كليب؟)

------------ --------- --------- --------- --------- --------- --------- --------- -----

في شعب بالعالم يتطنزون على بعض كثرنا ؟

------------ --------- --------- --------- --------- --------- --------- --------- -----
في شعب بالعالم كل ما شاف واحد ضغطه ؟

------------ --------- --------- --------- --------- --------- --------- --------- -----
في شعب بالعالم مخالفاته كل شهر اغلى من قسط سيارته ؟
------------ --------- --------- --------- --------- --------- --------- --------- -----

في دوله بالعالم من اكبر الدول المصدره للنفط وما عندها كهرباء

( نبيه اخضر الظاهر الوزير عرباوي)

------------ --------- --------- --------- --------- --------- --------- --------- -----

في دوله بالعالم يطالبون بأسقاط القروض ؟

------------ --------- --------- --------- --------- --------- --------- --------- -----

إي في ....

موضوع: رد: في اي ولا؟ الإثنين مايو 26, 2008 3:02 pm

خخخخخخخخخخخخخخخخ

في شعب في العالم البنات يغازلون فيه الريال ؟

الي فيه

ههههههههههه

يسلمو قلبي

موضوع: رد: في اي ولا؟ الإثنين يونيو 02, 2008 6:49 pm

ههههههههههه..

والله شي يضحك ويفشل في نفس الوقت ..!

تسلمين..

والله بصراحهـ
رايي من راي مناميهـ
يسلمووو ع الطرح

كل اللي قلتيه موجود

تسلمين حبيبتي