بدال اسمي كتبت اسمه وللاستاذه سلمتة

أكابر وادعي كرهك عشان اكسب رضا ذاتي ..

وأنا اللي ذاتي ماتقبل كلام فيك قد قلته..

تبيها بجد ياخلي تعال اسكن خيالاتي

فداك بداخلي منزل تنازلته وسجلته ..

مثل مايكتب القاضي تنازل عن عقاراتي

انا باكتب تنازل لك من احساسي تنازلته ..

لانك عايش بفكري فراقك من نهاياتي

انا آكله وانا شاربه وانا نايمه معاي انته ..

تعال اقول لك موقف حصلي بامتحاناتي

وانا قدامي استاذتي كتبت الحل ودونته ..

من الاول الى التالي ابيك تعرف انا الآتي

سؤال حار في فكري انا مايوم ذاكرته ..

من الربكه سرح فكري وباح بكل زلاتي

وزليت بخطا فادح ولاظني تجاهلته ..

كتبت اسمك وسلمته على ورقة اجاباتي

بدال اسمي كتبت اسمك وللاستاذه سلمته ..